a. Camps, ONB I, 65-66, nr. 42, naar A (onvolledig) en zie verder aldaar.

Zie Camps, ONB I, 65-66, nr. 42.

Zie Van Synghel, DONB, nr. 1062.09.21 voor de afstand van onder meer het domein Oijen door het Sint-Servaaskapittel te Maastricht aan Otto, markgraaf van Thüringen, en diens echtgenote Adela.

Het origineel en afschrift B worden vanwege de slechte materiële conditie niet meer ter inzage gegeven in de Bibliothèque Nationale te Parijs. Bijgevolg is de tekst uitgegeven naar de microfilms van A en B. De lacunes in A zijn aangevuld naar B.

Voor de lokalisering van Oijen in Noord-Brabant, zie Van Tongerloo, ‘Gemeentewapens’, 48-5, Van der Ree-Scholtens, De grensgebieden, 29, en Hackeng, Het middeleeuwse grondbezit, 518.

Innocentius episcopus, servus servorum Dei, dilecto filio Arnoldo, preposito, et fratribus ecclesiȩ sancti Seruacii in Traiecto tam presentibus quam futuris in perpetuuma.

Sicut iniusta poscentibus nullus est tribuendus effectus, ita legitima desiderantium non est differenda petitio. Huius rei gratia dilecti in Domino filii vestris desideriis paterna benignitate impertimur assensum et ecclesiam beati Seruacii, in qua Domino ministrans, presentis scripti pagina communimus, statuentes ut quascumque possessiones, quecumque bona eadem ecclesia iuste et canonice in presentiarum possidet aut in antea concessione pontificum, liberalitate regum vel principum, oblatione fidelium seu aliis iustis titulis prestante Domino poterit adipisci, firma vobis in perpetuum et illibata permaneant. In quibus hec propriis subiunximus exprimanda vocabulis, videlicet Latvic, Harsele, Kaluecen, Edencheim, Wimale, Kyersbeche, Lens cum ecclesia, Gardengeis cum ecclesia, Septemburgis cum ecclesia, Licke, Niel, Conengesheym, Slusis, S[ychene] cum ecclesia, Susgene, Flerongis cum ecclesia, Hese, Duos Montes, Ramel, Berga cum ecclesia, Magelinis cum ecclesia, Telinis cum ecclesia, Werta cum ecclesia, Oya cum ecclesia, ecclesia de Echt, ecclesia de Apeltre, ecclesiam de Megene, ecclesiam de Dintre, ecclesiam de Achile, ecclesiam de Berga iuxta Nersan flumen, Coslar cum suis appendiciis, Coudehoue cum suis appendiciis, W[as]trode cum suis appendiciis, [Ar]wilre, Waldenheim, Gulse cum ecclesia. Preterea rationabiles et antiquas consuetudines que [in] vestra ecclesia hactenus viguerunt apud nos etiam in posterum observentur. Ut [videlicet] quocienscumque statuto anni tempore in ecclesia beate Marie, que in vestro burgo sita est, synodus celebrat[ur], liceat vobis parrochianos vestros, quibus utique a primo pabulo salis baptisma, [viaticum], sepulturas etcetera christianitatis exhibetis offici[a], pro erratibus suis equitatis ratione corrigere et pro quibuslibet excessibus, s[ive] sp[onte] confessis sive alio accusante, conv[ictis] congruam penitentiam per vestros synodales magistros iniungere, sicut apud nos antiquitus fieri consuevit [et] hucusque observatum esse cognoscitur. Quia vero propter [t]epiditatem eorum quorum interest diebus malis existentibus iustitia in aliquos pravos rarius exercetur, publicos raptores qui ecclesiam vestram offenderint, ad satisfactionem secundo [et ter]cio in[vite]tis. Quod si vos audire contempserint et in s[ua] pertina[cia] perduraverint, profe[ren]di in eos canonice interdicti vel anathematis sententiam habeatis liberam facultatem nec aliquis ante satisfactionem eis communic[are] vel eos absolvere audeat. Decernimus ergo ut nulli omnino hominum liceat eandem ecclesiam super hac nostra const[itutione] temere perturbare aut eius possessiones auferre vel ablatas retinere, minuere aut temerariis vexationibus fatigare. Sed omnia integra conservent[ur] eorum pro quo[rum] gubernatione et sustentatione concessa sunt usibus omnimodis pro futura. Si qua sane in futurum ecclesiastica secularisve persona huius nostre constitutionis paginam s[ciens] contra eam temere venire temptaverit, secundo terciove commonita nisi reatum suum congrua emendatione [correxerit] p[ote]st[atis] ho[noris]que sui dig[nitate careat reamque se] divi[no iudicio existere] de perpetrata iniquitate cognoscat et a sa[cratissim]o corpore et sanguine Dei ac Domini redemp[t]oris nostri Ihesu Christi aliena fiat atque in extremo examine districte ultioni subiac[eat]. Cunctis autem iam dicto loco sua iura servantibus sit pax Domini nostri Ihesu Christi quatenus [et hic] fructum bone actionis percipiant et apud districtum [iudicem] praemia aeterne pacis inveniante. Amen amen amen.

(Rota) Ego Innocentius, catholicȩ ecclesiȩ episcopus, subscripsi. (Monogram)

Ego Conradus, Sabinensis episcopus, subscripsi.

Ego Theodewinus, Sancte Rufinę episcopus, subscripsi.

Ego Gregorius, presbiter cardinalis tituli Apostolorum, subscripsi.

Ego Petrus, cardinalis presbiter tituli Sanctę Susanne, subscripsi.

Ego Petrus, presbiter cardinalis tituli Sancti Marcelli, subscripsi.

Ego Gerardus, presbiter cardinalis tituli Sanctę Crucis in Ierusalem, subscripsi.

Ego Comes, presbiter cardinalis tituli Evdoxie, subscripsi.

Ego Matheus, presbiter cardinalis tituli Equitii, subscripsi.

Ego Anselmus, presbiter cardinalis tituli Sancti Laurentii in Lucina, subscripsi.

Ego Lucas, presbiter cardinalis tituli Sanctorum Iohannis et Pauli, subscripsi.

Ego Martinus, presbiter cardinalis tituli Sancti Stefani in Celio Monte, subscripsi.

Ego Gregorius, diaconus cardinalis Sanctorum Sergii et Bachi, subscripsi.

Ego Otto, diaconus cardinalis Sancti Georgii ad Uelum Aureum, subscripsi.

Ego Guido, diaconus cardinalis Sanctorum Cosme et Daminani iuxta templum Remuli, subscripsi.

Ego Uassalus, diaconus cardinalis Sancti Eustachii iuxta templum Agrippe, subscripsi.

Ego Hubaldus, diaconus cardinalis Sanctę Marię in Via Lata, subscripsi.

Ego Gerardus, diaconus cardinalis Sanctę Marię in Dominica, subscripsi.

Ego Ribaldus, diaconus cardinalis Sanctę Marię in Porticu, subscripsi.

Ego Hvbaldus, diaconus cardinalis Sancti Adriani, subscripsi.

Datumb Laterani per manum Aimerici, sanctȩ Romanȩ ecclesiȩ diaconi cardinalis et cancellarii, II kalendas aprilis, indictione II^a, incarnationis dominicȩ anno M^o C^o XXX^o VIIII^o, pontificatus vero domni Innocentii II pape anno X.