a. S. Bormans et E. Schoolmeesters, Cartulaire de l'église Saint-Lambert de Liège, I (Bruxelles 1893) 30-31, nr. XXI, naar [B].

Blijkens mededeling van A. Jacquemin is het cartularium Liber chartarum ecclesie Leodiensis vóór 1990 verdwenen uit het Rijksarchief te Luik. Onderhavige oorkonde is uitgegeven naar editie van Bormans en Schoolmeesters, die dit dertiende-eeuws cartularium nog geraadpleegd hebben voor hun uitgave.

In nomine sancte, etc.

Cuonradus, divina ordinante clementia rex, notum esse volo omnibus sancte Dei ecclesie fidelibus tam futuris quam presentibus quoniam Durandus, Leodiensis episcopus, ad nostre sublimitatis excellentiam accedens nobisque representans scriptum imperiali auctoritate subnixum, humiliter deprecatus est iustitiam et misericordiam sibi fieri de Heruuarde, quaa domnus imperator tercius Otto pro anime sue recompensatione et domni Notgeri, episcopi fideli servitio sancte Leodiensi ecclesie, firma constipulatione tradidit et per annos fere XXVI absque omni contradictione supradicta ecclesia tenuit, sed per aliquantum temporis secundum sue voluntatis arbitrium domnus imperator Heinricus eidem ecclesie subtraxit. Ego Cuonradus, gratia Dei rex, huius confirmationis scriptum iusteque peticionis eiusdem rei causam recognoscens necnon et predecessorum meorum iustam traditionem inviolatam servare volens pro antecessoris mei, scilicet tercii Ottonis qui hanc concessionem fecit, et orthodoxi Heinrici imperatoris necnon et coniugis meb Gisle ac Ariponis, venerabilis Maguntiacensis archiepiscopi ceterorumque principum meorum insuperque Durandi, eiusdem ecclesie venerandi pontificis iusta proclamatione, idem bonum, scilicet Heruarde, situm in comitatu Hare super flumen Wal, cum omnibus appenditiis, edificiis, culturis, viis et inviis, pascuis, pratis, silvis, aquis, aquarum decursibus et cum omni familia ad eundem locum pertinente eidem sepe supramemorate ecclesie sancte Marie et sancti Lamberti martyris nostra redonatione confirmavimus ut supradicta ecclesia sine omni contradictione teneat et possideat.

Et hanc concessionem sic in futuro stabilem sicque per regalem nostram sententiam esse volumus immobilem, ut si quis eam lacessere presumpserit et conatus eius iudiciaria potestate reprimatur et id quod querit nullatenus adipiscatur.

Ut autem secundum votum nostrum id scriptum inconvulsum permaneat, more antecessorum nostrorum sigilli nostri impressione sigillavimus et manu propria roboravimus.

Signum domni Cuonradi, regis invictissimi.

Vodalricus, cancellarius vice Aribonis, archicapellani, recognovi.

Datum VI^o nonas octobris, anno dominice incarnationis M XXIIII, indictione VIII, anno gloriosissimi regis Cuonradi primo.

Actum in civitate Legia feliciter.