Willelmus,a Dei gratia Romanorum in regem electus et semper augustus, dilecto principi et consanguineo suo Henrico, illustri duci Brabantie, gratiam suam et omne bonum.

Cum advocatia ecclesie de Berna nobis et imperio attineat pleno iure, ipsam cum omnibus bonis suis sub nostram et imperii protectionem recepimus specialem dilectioni tue mandantes et attentissime te rogantes ut dictam ecclesiam et personas ibidem Deo militantes sub nostra protectione manuteneas et defendas nec permittas, quod ab aliquibus qui molestare eam vel offendere presumunt, dampnum eis vel gravamen aliquod irrogetur. Quod si aliquis id in nostram ignominiam facere attemptaret, quod proinde iusticia dictaverit, facias, invasores et malefactores animadversione debita puniendo; gratum nobis in hoc prestiturus obsequium et nostre acceptabile maiestatib^.

Datum apud Traiectum, III nonis aprilis, indictione Vc.