a. Piot, Cartulaire I, 89-90, nr. 67, naar A (gedateerd 1157). – b. Muller-Bouman, OSU I, 377-378, nr. 419 (gedateerd 1157 vóór september 24), naar A.

Grauwels, Regestenlijst, [z.p.], nr. 65 (gedateerd 1157).

Voor de in onderhavige oorkonde genoemde pauselijke uitspraak, zie Van Synghel, DONB, nr. vóór 1157.09.23(na 1156.12.24).

De lacunes in A zijn aangevuld naar B.

Het gebruik van de kerststijl in het bisdom Utrecht is verondersteld. De terminus ante quem wordt echter bepaald door het einde van de opgegeven vijfde indictie.

In nomine sanctȩ et individuȩ Trinitatis.

Godefridus, Traiectensis ȩcclesiȩ episcopus, omnibus fidelibus presentibus et futuris in perpetuum.a

Cavere debet pontificalis discretio dispendia karitatis et ad unitatem redigere mentes subditorum.

Pervenit ad nos controversia quȩ sub specie recti agitabatur in cura diocesis nostrȩ in loco quod Nouum Forum nuncupatur, a quodam Heinrico nominetenus, militiȩ templi Dei, adversus fratrem nostrum Wiricum, ministrum ȩcclesiȩ Sancti Thrudonis, de quadam concessione quam prefatus Heinricus de auctoritate domini papȩ nobis presentavit pro consecrando oratorio ad suorum fratrum commodum et sibi inibi servientium. Et quia religionis amatores divinis vacare debent officiis, sicut ipsorum testatur pagina, quod indecens sit et periculosum animabus eorum virorum turbis et mulierum frequentationibus se inmiscere, aliter tamen fieri audivimus in tantum quod ecclesia de Alburch, in cuius parrochia hec fiebant, quasi solitaria relicta erat, reclamante prefato fratre nostro abbate mandatum domini papȩ de consecratione loci ipsius, iuxta quod ipse scripsit, diffinivimus. Et hȩc est diffinitio sedis apostolicȩ: ius abbatis et ȩcclesiȩ non imminuerit in decimis, in oblationibus, in visitationibus infirmorum, in sepulturis, preterea in omni iure prefatȩ ȩcclesiȩ.

Quod si idem Heinricusb vel successor[es eius hanc d]iffinitionem infringere vel contradicere temp[t]averint, coll[a]to sibi ben[e]ficio absque retractatione iudicii eorum careat ecclesia. Caveat proinde persona de Alburch ne quis parrochianorum suorum a sua ȩcclesia ad illud transeat oratorium. Quod si fecerit, excommunicationi subiaceat.

Ut autem huius institutionis formula rata et inconvulsa permaneat, sigilli nostri attestatione eam signari fecimus.

Acta sunt hȩc anno incarnationis Domini millesimo centesimo quinquagesimo septimo, indictione V^ta, Rome papa Adriano, imperante Fritherico Romanorum augusto, sub his testibus: Godefrido, preposito Maioris ȩcclesiȩ, Azelino, decano, Iordano, preposito Sancti Bonifacii, Herimanno, decano, Arnoldo, preposito Sancti Iohannis, Conrado, decano, Andrea, preposito, Herimanno, decano; laicis: Wilhelmo, comite, Gerardo, sculteto, Waltero de Stappelc.