a. Duvivier, Actes, 128-131, nr. 63, naar C. – b. Thesaurus diplomaticus, nr. D3307 (zonder afbeelding), naar a.

Niet voorhanden.

Voor een geschil tussen de abt van Crespin en de voogd van de abdij inzake de wederzijdse rechten te Empel d.d. 2 oktober 1169, zie Camps, ONB I, 103-105, nr. 66.

Het gebruik van de kerststijl in Henegouwen is verondersteld, zie Camps, ONB I, XX.

In nomine Patris et Filii et Spiritus sancti, amen.

Quoniam scriptum testatur qui ecclesiarum profectibus invigilaverit et de novissimisa suis benefaciendo cogitaverit, anime sue saluti sine dubio providebit.

Eapropter ego Balduinus, Hainoensium comes, notum facio cunctis fidelibus, tam futuris quam presentibus, controversiam que inter Gobertum, beati Landelini Crispiniensis ecclesie abbatem, et Theodericum, villicum de Harminio, longo tempore ventilata fuerat, pace bona in presentia mea terminatam fuisse, assensu Goberti, predicte ecclesie abbatis, tempore Petri qui tunc iure hereditario ex parte Beatricis, uxoris sue, villicus erat. In die cognovit abbas prefatus, consilio capituli sui, quo iure villicus predictus villicationem suam et terram de ecclesia tenebat; eadem vero die villicus cognovit quod ius, quod servitium ecclesie reddere debebat. In die cognoverunt abbas et villicus quod omnes terre que non dant censum et terragium sunt sue villicationis et curie in qua suam facit mansionem. Pro hac autem villicatione et terra villicus duos sumptus honestos, bis in anno, tempore quo abbas voluerit, abbati cum capellano suo et monacho curie, cum octo equis et hominibus, persolvere debet. Debet eciam villicus abbati vel monacho suo equum unum cum famulo semel in anno, si in Emplam ierit, qui servicium suum facere possit, et equum istum ecclesia villico salvare debet. Et ut villicus sumptus istosb equum prefatum possit persolvere, sub spatio octo dierum ab abbate debet esse certissimus de hospitibus ecclesie qui tempore illo fuerant. Habet ecclesia capones; villicus panem et avenam; ecclesia habet omnes census allodii sui; villicus habet omnes roagios allodii predicte ecclesie in potestate Harminii; omnes census et capones debent hospites persolvere monacho in curia Sancti Landelini in presentia monachi vel famuli domus, ad diem prefixam, sub testimonio villici et scabinorum; qui sub testimonio villici et scabinorum persolverit, liber erit; qui vero non persolverit, reddere debet, lege constituta, ad omnes leges allodii ecclesie. In potestate Harminii habet ecclesia duas partes et villicus terciam. Panes et avenam, roagium, hospites predicti villico, in domo sua, sub testimonio scabinorum, solvere debent; et si non solverint, sub lege constituta reddere debent ita quod ecclesia duas partes habeat et villicus tertiam. In servicio autem quod ab hospitibus ecclesie redditur, qui terras requirunt et in vadio ponunt, ecclesia duas partes habet et villicus terciam. Hominibus igitur facientibus querimoniam villicusc diem certam debet prefigere in curia Sancti Landelini, in presentia abbatis vel monachi curie vel famuli domus; tale debet facere de terris que ab hospitibus requiruntur et in vadio ponuntur. Quando rectus heres, post decessum villici, terram istam cum villicatione requirit, decem solidos monete terre ecclesie prefate pro servicio solvere debet, et non aliud; hoc servitio abbas terram cum villicatione villico predicto reddere debet. Villicatio ista cum terra non debet dividi in duobus; immo heres villici prime uxoris sue, quamvis filie sint omnes, prima debet habere; si filium prime uxoris sue habuerit, habere debet; si vero heres illi prime uxoris sue non fuerit heres cui iudicio curie abbatis adiudicatumd fuerit, possideat.

Ut autem hoc ratum et inconvulsum permaneat, sub istorum virorum testimonio confirmo et sigilli nostri impressione muniri precipio.

Signum Lamberti, sancti Gilsenie abbatis, signum Geruasii, sancti Diionisii abbatis, signum Vstachii del Rues, signum Hauelli de Cheureng, signum Walteri de Lens, signum Vstachii, filii eius, signum Gossuini de Maring, signum Willermif, fratris comitis, signum Balduini, castellani, signum Henrici de Braine, signum Vlbaldi de Louuegnies, signum Vlbaldi de Harueng, signum Gossuini de Tulin, signum Simonis de Rombies, signum Walteri Bonier, signum Willermig de Rombies, signum Maglorie de Mons, signum Balduini, villici de Crispinio.

Actum Castriloco, anno dominice incarnationish M^o C^o octogesimo sexto, indictione quarta, concurrente secundo, epacta xxviii^a, termino pascali, septimo idus aprilis, dominicali littera currente E.