Engelbertusa de Horne, prepositus et archidiaconus ecclesie sancti Saluatoris Traiectensis, discreto viro ^.. domino Hermanno de Almekerke, decano nostro de Woudrichem, salutem.

Cum Elye dicto de Deyl de ecclesia de Vter[wii]ch providerimus curam animarum et reliquiarum custodiam sibi eiusdem ecclesie in Dei nomine committendo, vobis mandamus quatenus accedentes ubi propter hoc fuerit accedendum prefatum Elyam presbiterum in dicte sue ecclesie possessionem inducatis, sollempnitatibus debitis et consuetis, precipientes universis et singulis dicte ecclesie parrochianis ut eidem Elye tanquam suo vero rectori reverenter in omnibus obediant et intendant, sibique de redditibus, proventibus, iuribus et oblatis eiusdem sue ecclesie integre respondeant loco et tempore oportunis.

Reddite littera sigillata.

Datum anno Domini M^o CCC^o septimo, feria tercia post XI^cim milia virginumb.