Vorige: 
Gerard, abt, en convent van Berne hernieuwen de uitgifte in cijns door de abdij aan Hendrik Monachus van het erfgoed (te Babiloniënbroek) tegen een jaarlijkse cijns van 14 groot Tournoois.
[A]. Niet voorhanden.
B. 1376, Bernheze, Abdij van Berne, abdijarchief, inv. nr. IIIE49 (cijnsregister), fol. 15r, naar [A].
Universis ad quos presentes littere pervenerint Geraerdus, Dei pacientia abbas, totusque conventus monasterii de Berna salutem in Domino salvatore.
Noveritis quod nos hereditatem quam hactenus tenuit et possedit Heynricus dictus Monachus iure censuali ab ecclesia nostra de Berna eidem recognoscimus dictum ius presentibus litteris innovandis, hac que sequitur condicione adiecta quod idem videlicet Heynricus vel quivis alius ad quem dictam hereditatem devolvi contingat, singulis annis futuris perpetue nobis vel ecclesie nostre ratione census ex parte dicte hereditatis in festo beati Lamberti infra cepta monasterii nostri prefati XIIII grossos Turonenses regioa vel pagamentum equivalens solvere tenebitur absque dolo, et tantum nobis vel predicto monasterio nostro dictam hereditatem relevando debebit. Quod si dictum censum loco et termino predictis non persolverit, tenebitur nobis ad penam quam communiter non solventes censum suum debito loco et termino incurrere consueverunt.
In testimonium premissorum sigilla nostra hiis litteris sunt appensa.
Datum anno Domini millesimo CCCmo primo, feria secunda post festum Omnium Sanctorum.
